Please God Make Me A Tv - Amaric Joke






አምላኬ ሆይ ! ቴሌቪዢን አድርገኝ 

====================
አንዲት የአንደኛ ደረጃ ትምህርት ቤት መምህርት ተማሪዎቿን አንድ ነገር እንዲፈፅሙ አዘዘቻቸው ። አምላk እንዲለግሳቸው የሚመመኙት ነገር ምን አንደሆነ ሁሉም በነጭ ወረቀት ላይ በዝርዝር ፅፎ እንዲያቀርብ ጠየቀቻቸው ። ስማቸውንም በወረቀቱ ጀርባ ላይ እንዲያሰፍሩ ነገረቻቸው ።
ሁሉም ተማሪዎች የታዘዙትን ተገበሩ ። ምምህርቷ ወረቀቶቹን በሙሉ በመሰብሰብ ወደ ቤቷ አመራች ። ከቤቷ በረንዳ ላይ ቁጭ ብላ እያንዳንዱ ተማሪ የፃፈውን ማንበብ ይዛለች ። ትስቃለች ፤ ትገረማለች ። የሆነ ወረቀት ላይ ስትደርስ የተፃፈውን ነገር ስትመለከት ደነቃት ። በወረቀቱ ጀርባ ላይ የሰፈረውን ስም ስትመለከት አንጀቷ ታመሰ ። እንባዋ እንደ ደራሽ ውሃ በጉንጮቿ ላይ ተዘረገፈ ። ወረቀቱን በሁለት እጆቿ አጥብቃ በመያዝ እየተንሰቀሰቀች በማልቀስ ላይ ሳለች ድንገት ባለቤቷ ጋር ዓይን ለዓይን ተገጣጠሙ ።
“ ምን ሆነሽ ነው የምታለቅሺው ? ” ... የባለቤቷ ጥያቄ ነበር ።
ቁጭት ባዘለ ስሜት ተውጣ “ ከተማሪዎቼ መካከል አንዱ ልጅ የፃፈው ፅሁፍ ነው እንዲህ ያስለቀሰኝ ” አለችው ። 
“ ምን ስለፃፈ ነው እንዲህ ያስለቀሰሽ ? ” አላት ።
“ እስኪ እኔ ከማነብልህ አንተው እራስህ አንብበው ! ” ብላ ወረቀቱን ሰጠቺው ።
ማንበብ ጀመረ ። ወረቀቱ ላይ የተከተበው የመጀመሪያው ዐ.ነገር ከላይ በርዕስነት የተጠቀምኩት ሃሳብ ነበር ። የገዛ አይኑን ማመን እያቃተው ማንበቡን ቀጠለ ።
“ አምላኬ ሆይ ! አንድ ትልቅ ነገር እለምንሃለሁ ግን እምቢ እንዳትለኝ ። እንደማንም ብለህ ዛሬ ምሽት ላይ ቴሌቪዢን አድርገኝ ! እባክህን ዛሬ እንኳ የቴሌቪዢኑን ቦታ እንድተካ ቴሌቪዢን አድርገኝ ! በእኛ ቤት ውስጥ የተለየ ቦታ እንዲኖረኝ እፈልጋለሁና ቴሌቪዢን አድርገኝ ። ቤተሰቦቼ ዙሪያየን እንዲከቡኝ እሻለሁ ። ቴሌቪዢን ካደረከኝ እኮ የምናገረውን አፍጥጠው ይመለከታሉ ። በትኩረት ያደምጡኛል ። ያለምንም ማቋረጥ ይሰሙኛል ። ሁሌም ውሏቸው እና አዳራቸው ከእኔ ጋር ይሆናል ። አባቴ ከስራ ቦታ ወደ ቤት ሲመለስ ምንም እንኳ የስራ ድካም ቢኖረውም ከእኔ ጋር እንዲሆን ስለምፈልግ እባክህን ቴሌቪዢን አድርገኝ ። እናቴም ትካዜ ሲወርሳት እና ስትበሳጭ ከእኔ ጋር እንድትሆን እባክህን ቴሌቪዢን አድርገኝ ። ተው አምላኬ ቴሌቪዢን አድርገኝ ! ተው እባክህን ተው ! … ወንድሞቼ የሚፈልጉትን ነገር ለመመልከት ከፊቴ እርስ በእርሳቸው ሲከራከሩ እንድመለከታቸው ተው ቴሌቪዢን አድርገኝ ! 
ቤተሰቦቼ ሁሉን ነገር እርግፍ አድርገው ወደ ጎን በመጣል ለእኔ ጊዜ እንዲሰጡኝ ስለምሻ ቴሌቪዢን መሆን እፈልጋለሁ ። አምላኬ ሆይ በመጨረሻም ቴሌቪዢን ካደረከኝ ቤተሰቦቼን እንዳስደስታቸው እና እንዳዝናናቸው አቅሙን እንድትለግሰኝ እማፀንሃለሁ ። አምላኬ ሆይ ! አንተ ብቻ ቴሌቪዢን አድርገኝ እንጂ የትኛውንም አይነት ቴሌቪዢን ብሆን ግድ አይሰጠኝም ” የሚልፅሁፍ ወረቀቱ ላይ ሰፍሯል ።
“ ኦ አምላኬ ሆይ ! ምን አይነት የሚያሳዝን ልጅ ነው እባክሽ ! ምን አይነት ክፉ ወላጆች ናቸው እያሳደጉት ያለው ” አላት ባለቤቱን ።
ምምህርቷ በድጋሜ እንባዋን አነባች ። እንደ ናዳ እየተንሸራተተ የሚወርደው የእንባዋ ዘለላ በረንዳው ላይ እየተንጠበጠበ “ እስኪ በወረቀቱ በስተጀርባ ያለው የተማሪው ስም የማን እንደሆነ ተመልከተው ? ” አለችው ። 
ስሙን ሲመለከተው በቆመበት ቀረ ። የቆየ ሃውልት መሰለ ፤ ዞረበት ። ከወረቀቱ በስተጀርባ የሰፈረው ስም የገዛ ልጃቸው ነበር ።
ወሰን ባለፈ መልኩ የቴሌቪዢን ስክሪን ላይ ተለጥፈው ልጃቸውን ለሰራተኛ በመስጠት ባይተዋር የሚያደርጉ ወላጆች ምንኛ ደካማ ናቸው ። የቴክኖሎጂ ውጤቶችን መጠቀም አስፈላጊነታቸው የማይካድ ቢሆንም ፣ አንድ ቤት ውስጥ ያለን የቤተሰብ አባል እንዳልተፈጠረ ሊያስረሳ የሚችልበት ሁኔታ ካለ ግን ከመጠቀሙ አለመጠቀሙ በላጭ ነው ። ቴሌቪዢን በእኛ ላይ አመለካከቱን በመጫን እንድናደምጠው ያስገድደናል እንጂ ሃሳባችንን ለማካፈል ከእርሱ ጋር መወያየት አይፈቅድልንም ። በቀኝ እጁ አጥንት እየጋጠ በግራ እጁ ዋትስ አፕ የሚኮረኩር ትውልድ መሃል የሚያድግ ህፃን እጣ ፈንታው ምን ሊሆን እንደሚችል ማሰቡ በራሱ ያስጨንቃል ። ለቻት ጊዜ አጥሮት መፀዳጃ ቤት ውስጥ ሳይቀር ሞባይል የሚጠቀጥቅ ዜጋ መሃል የሚያድግ ልጅ መፃዒው ምን ሊሆን እንደሚችል ማሰቡ ያስፈራራል ። በእንግሊዝ ፕሪሚየር ሊግ ፥ በስፓኒሽ ላሊጋና በጣሊያን ሴሪዓ ዙሪያ ስፖርታዊ ትንታኔ ሲሰጡ የሚያደምጥ ህፃን እጣ ፈንታው ምን ሊሆን እንደሚችል ማሰቡ በራሱ ይረብሻል ። ለአንድ ሰው ትልቁ ካፒታል ልጁ ነው ። የአንድ ሃገር ትልቁ ካፒታል ደግሞ የሰው ሃይል ነው ። ጤናማ እና አምራች ዜጋ መፍጠሪያ ምንጩ ደግሞ ቤተሰብ ነው ። ለከት በሌለው መልኩ የቴሌቪዢን ስክሪን ላይ የሚያፈጥ የወላጅ ዓይን እንኳን ጥሩ ዜጋ ሊያፈራ ይቅር እና የልጁን መልክ በወጉ መለየት አይችልም ።

ካ ነበብኩት 

(ልብ ብለዉ ያንብቡት ከሚል የፌስቡክ ገፅ የተገኘ) 




Comment Box is loading comments...

Comments

Other posts you may like



ማን ከማን ያንሳል? Very Funny Gag
ማን ከማን ያንሳል? Very Funn...
picture
4782 views 3 likes
Goat Talent Funny Gag
Goat Talent Funny Gag
picture
3068 views 1 likes
Thief Humiliated In Public Kenya
Thief Humiliated In Pu...
picture
7363 views 3 likes
Mr Bean Family Funny Gag
Mr Bean Family Funny G...
picture
12063 views 2 likes
Monkey Revives Electrocuted Friend At Train Station, India Amazing
Monkey Revives Electro...
ahmaric-joke
6659 views 4 likes
I Bought Iphone 6 Funny
I Bought Iphone 6 Funn...
picture
1571 views 0 likes
ከተሞሸሩ አይቀር እንዲህ ነው Funny-wedding
ከተሞሸሩ አይቀር እንዲህ ነው Fun...
picture
9127 views 6 likes
ቁርጭምጭም ማለት ይሄ ነዉ  Monster Machine
ቁርጭምጭም ማለት ይሄ ነዉ Mons...
video
5104 views 6 likes
ሁለገብ Barber Funny Gag
ሁለገብ Barber Funny Gag
picture
5020 views 1 likes
Breast Feeding Like A Boss Funny Kid
Breast Feeding Like A ...
picture
6740 views 3 likes
He Is The One And The Only Funny
He Is The One And The ...
picture
5003 views 1 likes
ጥንቆላ This Days Funny Gag
ጥንቆላ This Days Funny G...
picture
8096 views 2 likes